Cors Caron

Disgrifiad Cymraeg / Welsh Description

'Ble yffach wyt ti, Caron fach? O, na... Dwyt ti ddim ar y gors, wyt ti?! Gobeithio i'r nefoedd nad wyt ti ar y gors.' Mae'r gors hudolus fel cartref i Caron 15 oed ac Iwan, ei ffrind gorau. Sut y gall hi fod ar goll yno felly? Nofel ddirgelwch sy'n symud yn gyflym rhwng dau fyd, ac am berthyn, cariad a'r newid yn ein hagwedd at yr amgylchedd.

Disgrifiad Saesneg / English Description

A mystery novel for children set against the backdrop of the Caron marshland in mid-Wales. The story moves swiftly between two worlds, and deals with themes of relationship, love and the change in our attitude towards the environment.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Bywgraffiad yr Awdur / Author Biography

Cafodd Meleri ei magu yn Beulah ac Aber-porth. Fe raddiodd yn y Gymraeg o Goleg Prifysgol Aberystwyth ac astudiodd MA yng Ngholeg y Drindod, Caerfyrddin. Mae'n ysgrifennu llyfrau i blant ac oedolion ers dros 25 mlynedd. Mae'n mwynhau darllen, coginio, brodwaith a threulio amser gyda theulu a ffrindiau.

Adolygiad y Cyhoeddwr / Publisher Review

Mae'r gors yn Nhregaron fel ail gartre i Caron ac Iwan, ei ffrind gorau, 16 oed. Mae'n ddihangfa perffaith ar ôl diwrnod hir ac anodd yn yr ysgol. Mae'n lle i anghofio am lwyth gwaith a phwysau cyfoedion ac i ymgolli mewn byd arall dros dro. Bydd safbwyntiau amgylcheddol gwahanol yn gefndir ar gyfer gwrthdaro wrth i berson ifanc o'r hen Dregaron gyfarfod person ifanc ein hoes ni. Bydd gan y nofel elfennau cryf o antur ac arswyd. Y bwriad yw gorffen pob pennod mewn modd sy'n gyrru'r darllenydd yn ei flaen.