Cyfres Alun yr Arth: Alun y Môr-Leidr

Disgrifiad Cymraeg / Welsh Description

Stori fywiog arall wedi ei darlunio'n lliwgar am helyntion Alun yr arth direidus wrth iddo gael bath; i blant dan 7 oed. Cyhoeddwyd gyntaf yn 2005.

Disgrifiad Saesneg / English Description

Another colourfully illustrated, lively story, about the antics of Alun the mischievous bear as he takes a bath; for children aged under 7 years. First published in 2005.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

Mae'r Lolfa newydd gyhoeddi'r chweched stori am Alun yr Arth. Y tro yma mae'r arth direidus yn troi'n fôr-leidr. Morgan Tomos, cynrychiolydd gwerthiant gyda'r Lolfa, yw awdur y stori a fe hefyd sydd wedi darlunio'r lluniau a chreu'r cymeriadau. Mae ei brofiadau fel gwerthwr llyfrau yn amlwg yn y stori yma gan fod rhan fwyaf o'r stori wedi ei lleoli mewn siop lyfrau sy'n gwerthu llawer o lyfrau'r Lolfa. Mae Alun yr Arth wedi cael llond bol ar chwarae gyda theganau, ac mae'n cael ei lusgo i siop lyfrau. Ar y dechrau, mae'n troi ei drwyn ar lyfrau ond mae'n cael gafael ar lyfr ar fôr-ladron Cymru. Caiff ei hudo gan y llyfr, ac wrth ddarllen y storïau am Harri Morgan a Barti Ddu mae'n dychmygu ei fod e'n fôr-leidr - Capten Alun Wyllt! Wrth ddychmygu ei helyntion yn ymladd ar y môr mae'n chwalu'r siop lyfrau. Tuag at ddiwedd y llyfr daw'n amlwg i Alun bod llawer o sbort i gael wrth ddarllen llyfrau a drannoeth mae'n mynd yn ôl i'r siop i brynu rhagor o lyfrau. Dyma'r chweched gyfrol yn y gyfres o lyfrau stori a llun i blant bach, ac er mai stori syml iawn yw hi, caiff neges pwysigrwydd darllen ei chyfleu yn gryf iawn, neges sydd yn amlwg yn agos at galon Morgan fel awdur a gwerthwr llyfrau a thad i ddau fachgen ifanc. Dywedodd Morgan, "Pan ofynnodd Ann a Maldwyn, perchnogion Siop y Bont ym Mhontypridd, am stori'n ymwneud â siop lyfrau, bachais ar y cyfle gan gyfuno stori am siop lyfrau gyda stori'r môr-ladron." Mae cyfres Alun yr Arth wedi cael ei ganmol gan rieni a phlant fel ei gilydd. Mewn Adroddiad gan Banel Cloriannu ar gyfer Cyngor Llyfrau Cymru disgrifiwyd y llyfr fel, ". . . enghraifft arbennig o lyfr lle'r oedd yr holl elfennau yn cydweithio'n dda - stori ddarllenadwy, testun o faint cyfforddus, a lluniau addas a deniadol." Dywedodd Garmon Gruffudd ar ran Y Lolfa, "Braf gweld cyfres wreiddiol fel hon yn ffynnu yn wyneb yr holl addasiadau sy'n boddi'r farchnad. Gobeithio bydd rhieni a phlant yn mynd ati i ddilyn esiampl Alun yr Arth i brynu a mwynhau llyfrau gwreiddiol Cymraeg."