Cyfres Alun yr Arth: Alun yr Arth a'r Dyn Eira

Disgrifiad Cymraeg / Welsh Description

Stori wreiddiol a lliwgar wedi ei darlunio'n lliwgar am Alun yr arth bach direidus sy'n creu hwyl a helynt wrth chwarae yn yr eira gyda'i gefnder; i blant 3-5 oed. Adargraffiad; cyhoeddwyd gyntaf yn Awst 2003.

Disgrifiad Saesneg / English Description

A colourfully illustrated original and entertaining story about Alun the mischievous little bear who creates fun and havoc while playing with his cousin; for children aged 3-5 years. Reprint; first published in August 2003.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

Mae’r gyfres Alun yr Arth yn un boblogaidd iawn yn ein tŷ ni, felly mae croeso mawr i’r gyfrol hon am Alun yn chwarae yn yr eira. Mae’r gyfres wedi’i hanelu at blant 3 i 5 oed ac mae’n berffaith ar gyfer stori fach amser gwely, ac fel stori sy’n annog trafodaeth ar y cynnwys a’r lluniau. Yr hyn sy’n ddeniadol am y llyfr hwn, a’r gyfres drwyddi draw, yw bod Alun bach yn mynd drwy brofiadau a chael teimladau sy’n debyg iawn i rai’r plant y mae’r gyfres wedi’i hanelu atynt. Yn y llyfr hwn Alun yr Arth a’r Dyn Eira , mae Alun yn teimlo ychydig yn unig ar y dechrau gan nad oes ganddo neb i chwarae gydag ef, mae ei fam yn mynd yn flin, ond caiff hwyl wedyn yng nghwmni’i dad a’i fam. Mae teulu’r eirth gwyn a ddaw i ymweld yn berl – yn tydyn nhw wrth eu boddau â’r eira? Ac mae geiriau Gwyn yr arth bach yn dweud y cyfan am ddireidi’r llyfr: ‘dydw i ddim yn ddrwg iawn. Dim ond ychydig yn chwareus weithiau.’ Mae llawer i annog sgwrs â’r plentyn bach yn y llyfr hwn – o gyflwyno’r eira a’r gweithgareddau y gall plant eu mwynhau ynddo, i’r gwahaniaeth rhwng eirth gwahanol, heb sôn am yr hwyl sydd i’w gael gyda chefndryd! Mae’r lluniau’r lliwgar a syml, y stori’n symud yn gyflym ac yn hawdd ei dilyn, a’r diwyg a’r pris yn atyniadol. Edrychwn ymlaen at y nesaf yn y gyfres!