Cyfres Anthony Horowitz: Camera Creulon

Disgrifiad Cymraeg / Welsh Description

Mae Matthew wrth ei fodd â'r camera y daeth o hyd iddo mewn arwerthiant cist car, tan iddo ddechrau sylweddoli bod popeth y mae'n tynnu llun ohono yn torri ... neu'n marw. Mae Henry'n dod i'r casgliad fod gan ei gyfrifiadur ei fywyd ei hunan ac nad oes ofn ganddo gymryd siawns - a bywydau! Addasiad Cymraeg o Killer Camera .

Disgrifiad Saesneg / English Description

Two spine-chilling short stories by Anthony Horowitz. Matthew is pleased with the camera he finds at a car boot sale - that is until he realises everything he photographs breaks ... or dies. Henry soon finds out that his new computer has a life of its own - and it's not afraid to gamble with people's lives. A Welsh adaptation of Killer Camera .

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

Mae yna ddwy stori yn y llyfr yma. Y cyntaf yw Camera Creulon a'r ail yw Symud Sydyn . Dwi’n meddwl eu bod yn addas i blant tua 9-12 oed ac yn hŷn. Mae Camera Creulon yn dechrau gyda Matthew King yn prynu camera ail-law i’w dad mewn sêl cist car, ac mae e’n hapus iawn gyda'i anrheg. Ond roedd yn rhyfeddol o rad. Pam hynny? Wrth i Dad Matthew ddechrau tynnu lluniau, mae pethau ofnadwy yn digwydd - mae’r goeden geirios hyfryd yn yr ardd yn marw yn anesboniadwy o sydyn. Ond beth - neu bwy - fydd nesaf? Beth yw dirgelwch y camera? Dwi’n meddwl bod y stori yma yn wych. Mae’n dechrau gyda diwrnod a digwyddiadau cyffredin ac mae’r awdur wedi llwyddo yn y ffordd mae’n creu rhyw fath o uchafbwynt o ofn, gyda'r diweddglo yn iasoer. Mae’r ail stori, Symud Sydyn , am fachgen o’r enw Henri sydd yn cael hen gyfrifiadur ar ôl marwolaeth ffrind ei dad. Mae’r cyfrifiadur hwn yn od iawn. Mae e’n gallu dweud y dyfodol – ac yn rhagweld canlyniadau rasys ceffylau! Mae un o gymeriadau'r stori yn ceisio dwyn y cyfrifiadur, gyda chanlyniadau difrifol iawn i Henri. Er iddi fod yn stori dda iawn, doeddwn ddim yn ei hoffi gymaint â Camera Creulon . Nid yw’r awyrgylch cweit mor frawychus y tro hwn. Mae pethau yn aros yn weddol ‘normal’ tan y dudalen olaf, ond mae rhaid dweud ei bod yn gorffen gyda ‘bang!’ Dwi’n meddwl bod Antony Horowitz yn awdur arbennig o dalentog a bod yr addasiad hwn yn dda iawn hefyd. Bargen am £3.99!