Cyfres Cerddi Gwalch: 3. Salwch Odli

Disgrifiad Cymraeg / Welsh Description

Y drydedd gyfrol mewn cyfres o lyfrau barddoniaeth lliw llawn. Casgliad difyr gan Margiad Roberts a fu'n o gyfranwyr pwysicaf a mwyaf poblogaidd y gyfres Cerddi Lloerig dros y blynyddoedd. Mae ei cherddi ffraeth yn apelio'n fawr at blant oedran cynradd - cerddi i godi gwên ac awydd ar blant i sgwennu eu hunain. Mae'r llyfr yn llawn i'r ymylon â lluniau bywiog Helen Flook.

Disgrifiad Saesneg / English Description

The third volume of a series of full colour illustrated poetry books for primary school children. This volume comprises a humorous collection of appealing poems by Margiad Roberts, with lively illustrations by Helen Flook.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

Cynllun sydd wedi talu ar ei ganfed yw cynllun Bardd Plant Cymru a sefydlwyd yn ôl yn 2000. Nod y cynllun yw annog plant a phobl ifanc i fwynhau a chreu barddoniaeth. Oddi ar sefydlu’r cynllun cyhoeddwyd cnwd o lyfrau barddoniaeth i blant yn cynnwys y dwys a’r digri. Wel, dyma gyfrol arall i’w mwynhau – llond trol o gerddi i wneud i chi rowlio chwerthin wrth ddarllen ‘y geiria bach joli/ sy’n codi o rwla’n eich bol chi’. Mae yma gerddi yn null yr hen benillion a limrigau doniol – ffurf a boblogeiddiwyd gan Edward Lear yn ei A Book of Nonsense (1846). Mae yma ddwyster hefyd, megis y gerdd ‘Bocsys cardbord,’ sy’n cymharu ein Nadolig gorlawn ni â Nadolig llwm plant y stryd. Ond mae yma wledd arall yn eich disgwyl, sef darluniau lliw-llawn, llawn hiwmor, Helen Flook – priodas berffaith rhwng gair a llun. Dyma gyfrol addas i’r cartref ac i’r dosbarth i ysgogi plant i roi geiriau sy’n odli at ei gilydd i greu pennill neu gerdd, waeth pa mor bisâr ydyw. A beth all y canlyniad hirdymor fod? Wel, ’ennill sêt bren am farddoni’, yn ôl y llyfr hwn. Afraid fyddai dyfynnu rhai cerddi rhag difetha’r hwyl; wedi'r cyfan, chi biau’r mwynhad o’u darllen. Cyfrol werth chweil – mynnwch gopi.