Cyfres Copa: Al

Disgrifiad Cymraeg / Welsh Description

Mae'r nofel yn ymdrin â thema ysgytwol o orfod dygymod â ffrind yn lladd ei gariad. Mae Cai'n darganfod bod Al wedi lladd Meg ar ôl noson feddw a chawn ddarganfod mwy am hanes Al trwy lygaid ei ffrind. Nofel ingol ar gyfer 15+ oed.

Disgrifiad Saesneg / English Description

A novel dealing with themes of friendship, as a young man tries to come to terms with the shocking news that his friend has killed his girlfriend, for readers over 15 years old.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

Dwi’n hoff o’r gyfres yma gyda’i bwriad i ddarparu nofelau byrion ar gyfer y dosbarth. Yn y nofel hon cawn hanes Al trwy lygaid ei ffrind Cai. Ar un olwg dydyn nhw ddim yn gyfeillion naturiol, gan fod eu magwraeth yn rhy annhebyg. Ond er bod gan Al bob braint sy’n perthyn i fagwraeth dosbarth canol, cefnog, mae’r cipolwg a gawn ar ei fywyd yn awgrymu realiti gwahanol iawn. Dyw’r cyfeillgarwch rhwng y ddau brif gymeriad ddim wastad yn un cyfforddus. Wrth ddarllen am olygfeydd o’u gorffennol, fe welwn dymer cas Al yn gwaethygu ac elfen greulon yn amlygu ei hun yn ei bersonoliaeth. Daw Cai i amau mai gwell fyddai ymbellhau oddi wrth ei ffrind, ond cyn iddo fedru gwneud hynny mae Al yn gwneud rhywbeth ofnadwy. Yn ddiddorol, dyw euogrwydd Al ddim yn cael ei gwestiynu. Yn hytrach, mae Manon Steffan Ros yn ein gorfodi ni, y darllenwyr, i feddwl sut bydden ni wedi ymddwyn. A fydden ni wedi ymateb yn wahanol? Oedd modd rhag-weld beth fyddai’n digwydd? Mae yna fwy o gwestiynau nag atebion yma – a dyw hon ddim yn nofel mae rhywun yn gorffen ei darllen ac yna’n anghofio amdani’n syth.