Cyfres Lolipop: Pst! Ti'n Grêt!

Disgrifiad Cymraeg / Welsh Description

Roedd Sion yn drist oherwydd byddai symud i fferm yn fwy yn golygu y byddai'n gadael ei ffrind gorau ar ôl. Ond doedd Mam a Dad ddim yn gwybod am fodolaeth y 'ffrind' - ysbryd bach cyfeillgar a drygionus, o'r enw 'Pst', achos dyna'r unig air a ddywedai. Roedd Pst wedi cael Siôn mewn ac allan o drwbwl sawl gwaith ac roedden nhw'n cael tipyn o sbri.

Disgrifiad Saesneg / English Description

Sion was sad because moving to a larger farm would mean leaving his best friend behind. But mam and dad did not know about the 'friend' - a friendly but naughty spirit. He was called 'Pst', because that was all he said. Pst had got Sion in and out of trouble many times, and they had lot's of fun.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

Symud tŷ, gadael ffrindiau, cynefino â chartref newydd ... na, dydi hi ddim yn hawdd ar Siôn. Mae’r llyfr hwn, sydd yn un o’r gyfres boblogaidd Lolipop, yn mynd i’r afael â’r holl helbul hwnnw o godi pac, er mwyn i dad Siôn brynu fferm fwy o faint, ond ydi pethau mor ddychrynllyd â hynny? Mae gan Siôn ffrind arbennig iawn sy'n llechu yn y cefndir ac yn cynnig help llaw pan fo angen. Hanes Siôn a’r ffrind anghyffredin hwn sydd yn y gyfrol, ac mae’r cyfrinachau y mae'r ddau yn eu rhannu yn fendigedig o ddoniol ar adegau. Pan mae Anti Agi – y fodryb gas – yn dod i aros, mae’r triciau yn ddiddiwedd. Druan ohoni! Mae’r ffaith mai Siôn yw’r unig berson yn y byd sy’n gallu gweld a chlywed Pst yn siŵr o chwarae ar ddychymyg unrhyw ddarllenydd ifanc. Dyma lyfr hawdd dros ben i’w ddarllen ac mae’n llawn o ddarluniau lliwgar. Mae’n un addas iawn ar gyfer plant i’w ddarllen neu fel stori i'w rhannu cyn cysgu. Peidiwch â phoeni, tydi Pst, y ffrind unigryw, ddim mor arswydus â hynny.