Cyfres Mellt: Rhaffu Celwyddau

Disgrifiad Cymraeg / Welsh Description

Un o nofelau ar gyfer 12-15 oed. Mae'n adrodd hanes Non sy'n gorfod dod i delerau â newyddion syfrdanol am ei thad. Nofel sensitif, gyfoes, sy'n codi nifer o gwestiynau.

Disgrifiad Saesneg / English Description

A contemporary, sensitive novel portraying Non, a young girl coming to terms with astounding news about her father, for 12-15 year old readers.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

Does dim yn waeth na theimlo bod y byd i gyd wedi cefnu arnat ti, wedi dy fradychu, wedi cadw cyfrinachau. Dyna’n union sydd yn digwydd i Non yn y nofel hon. Un o Gyfres Mellt yw Rhaffu Celwyddau ac mae hi wedi ei hanelu at ddarllenwyr 11–14 oed. Ar ddiwrnod ei phen-blwydd mae damwain drasig yn digwydd ac yn sgil y ddamwain hon, mae digwyddiadau dryslyd o’r gorffennol yn cael eu codi fel crachen. Mae Bryn Parry, tad Non, yn cael ei ruthro i’r ysbyty ac yn derbyn llawdriniaeth hegar, ond fel petai hynny ddim yn ddigon, daw cyfrinachau di-ri i’r fei, un ar ôl y llall, ac mae Non yn teimlo bod pawb wedi ei bradychu trwy gydol ei bywyd. Does dim modd dibynnu ar Adam, ei chariad, hyd yn oed. Mae hwnnw i fod yn gefn iddi hi ynghanol y storm deuluol yma. Ond yn y pendraw, ydy pawb yn cau eu cegau er lles Non? Neu ydyn nhw wir yn ei thwyllo? Wrth godi nyth cacwn a cheisio datrys y dirgelwch sydd yn dod i’w rhan, mae Non yn sylweddoli mai dim ond un teulu sydd ganddi, ac mae hwnnw angen ei drysori. Mae Gwenno Hughes, yr awdures, wedi delio â chymlethdodau Non mewn modd sensitif dros ben. Gwylltio, cymodi, digalonni, rhesymu – darllena hon os am dipyn o ddrama afaelgar. Tydi bywyd ddim yn hawdd, ond pan mae popeth ar ben ar Non, a oes modd iddi ddod drwyddi go iawn?