Cyfres Pen Dafad: Pen Dafad

Disgrifiad Cymraeg / Welsh Description

Nofel fer fywiog a doniol sy'n sôn am anturiaethau bachgen sy'n trawsnewid i fod yn ddafad bob nos. Gan awdures Llinyn Trôns . Adargraffiad; cyhoeddwyd gyntaf yn 2005.

Disgrifiad Saesneg / English Description

A short, lively and funny novel about a boy who feels he is changing into a sheep every night. By the author of Llinyn Trôns . Reprint; first published in 2005.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

Dyma atgof o Teen Wolf , i’r sawl ohonom sy’n cofio, ar ei newydd wedd ac wedi’i adleoli yng nghefn gwlad Cymru! Druan â Dewi – yn hytrach na throi'n flaidd, a fyddai’n eithaf cŵl, mae’n troi’n ddafad bob nos. Mae’r sefyllfa hynod ryfedd yma yn dir ffrwythlon i’r awdur i arfer ei chrefft o adrodd stori ddigri yn ei ffordd ddihafal ei hun gyda’n harwr 13 oed yn treulio’r noson gyntaf yn bwyta planhigion tŷ ei fam ac yn deffro ar yr ail fore yn noethlymun yng nghanol cae! Wrth i Lowri, ei chwaer fach holl wybodus, ddarganfod ei gyfrinach, gwelir eu perthynas yn aeddfedu, wrth iddi geisio’i helpu i ddatrys y dirgelwch a dod o hyd i ffordd o atal y gweddnewid. Yn gyferbyniad i’r hiwmor, datblygir y stori trwy rai golygfeydd dramatig ac arswydus gyda thro annisgwyl a chyffrous yn y plot a chyffyrddiad o hud a rhamant tua’r diwedd. Adroddir y cyfan trwy gyfrwng arddull lafar, naturiol a rhugl. Mae rhywbeth at ddant pawb yma – rhieni sy’n darllen i’w plant, yn ogystal â darllenwyr ifanc brwd ac anfoddog fydd yn medru uniaethu â chefndir a chyd-destun teuluol ac amaethyddol y nofel hon.