Cyfres Trio: Antur y Castell

Disgrifiad Cymraeg / Welsh Description

Stori am TRIO, grwp o ffrindiau sy'n caru antur ac sy'n benderfynol o achub y byd - wel, Cymru o leia'! Yr ail nofel yng nghyfres newydd Manon Steffan Ros gyda lluniau gan Huw Aaron!

Disgrifiad Saesneg / English Description

The second novel in a trilogy by Manon Steffan Ros for teenagers with three lively characters at the centre of the story.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

Dewch i gwrdd â'r 'Trio', sef tri o ffrindiau ddaeth at ei gilydd am nad oedd neb arall moyn ymwneud â nhw; tri o ffrindiau sydd yn trio’u gorau glas i fwynhau, cael antur a chynorthwyo pawb. Maent yn anarferol ond yn annwyl. Yn 'wiyrd' yn nhyb rhai o’u cyfoedion ond a’u calonnau yn y man iawn ac yn credu yn eu gallu eu hunain, sy’n beth pwerus iawn! Dyma ail antur y Trio, ffrindiau sy’n creu antur ac yn benderfynol o achub y byd ... wel, achub Cymru o leiaf! Yn yr antur hon mae Clem Clyfar, Dilys Ddyfeisgar a Derec Dynamo yn mynd am dro i Gaernarfon gydag Yncl Bob. Mae’r castell eiconig, 'a adeiladwyd yn 1983 gan y brenin Ian Rush' (chwedl Clem Clyfar), o dan fygythiad. Mae criw o adeiladwyr a’u peiriannau fel bwystfilod yn barod i ddymchwel y castell ac adeiladu bwyty crand yn ei le. A hwythau'n benderfynol o atal y jac codi baw a’r offer dinistriol rhag chwalu’r castell, mae’r Trio, sy’n archarwyr (yn eu meddyliau eu hunain, beth bynnag) yn ceisio meddwl am gynllun. Wrth weld twr o bobl yn protestio, dyma Clem Clyfar yn eu darbwyllo pa mor bwysig hanesyddol ydy’r castell, gan rannu llwyth o ffeithiau diddorol (ond gwallus) am ei hanes. Yn ei wisg archarwr, dychmyga Derec Dynamo ei hun yn rhedeg i fyny waliau’r castell i’w oresgyn. Mae Dilys Ddyfeisgar wedyn am greu dyfais wych, o’i bocs geriach, fydd yn eu cynorthwyo. Yn anffodus dydy’r cynlluniau ddim yn gweithio. Yn ddigalon mae’r criw yn ymlwybro drwy strydoedd Caernarfon yn dychmygu pa niwed y gwna Cai Cash a’i fwyty crand i siopau bach y dref. A yw hi ar ben ar yr hen gastell? Oes modd i’n harwyr anarferol oroesi? Bydd rhaid i chi ddarllen y llyfr i gael gweld!