Cyfres y Dderwen: Siarad

Disgrifiad Cymraeg / Welsh Description

Mae'r nofel hon yn adrodd hanes teulu sydd wedi mynd i fyw eu bywydau trwy'r sgrin - sgrin deledu a chyfrifiadur - yn hytrach nag yn y byd go iawn, gan arwain at ddiweddglo dirdynnol. Nofel ar gyfer yr arddegau hwyr ac oedolion.

Disgrifiad Saesneg / English Description

New York 9/11. A plane is about to strike one of the towers. Cardiff 9/12. A family is shattered. This is a contemporary novel about an horrific event and its profound effects on the life of one family. A psychological novel aimed at adults and teenagers by an experienced author.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Bywgraffiad yr Awdur / Author Biography

Roedd nofelau eraill Lleucu Roberts i’r Onnen a’r Dderwen yn werthwyr gorau. Enillodd Annwyl Smotyn Bach Wobr Tir na nOg yn 2009 a Stwff yn 2011.

Adolygiad y Cyhoeddwr / Publisher Review

Mae’r nofel hon yn mynd i berfedd seicoleg un teulu sydd yn dioddef i’r byw o beidio ‘siarad’ â'i gilydd. Pan fo trychineb yn tarfu ar y byd ac ar fywydau personol, nid ‘siarad’ o anghenraid yw ein hymateb cyntaf, ond mae’n bosib i hyn fynd yn rhy bell, a dyma a gawn yma wrth i ni ddilyn cwymp Mair i grombil iselder. Yn fam addfwyn ar y dechrau, mae Mair yn teimlo effeithiau trasiedi 9/11 i'r byw, a phan fo damwain yn difetha ei huned deuluol hithau, dim ond mewn un ffordd y gall Mair ddygymod â'r peth. Yn y nofel hon ystyrir y ffin denau rhwng yr hyn sy'n galluogi unigolyn i ymdopi, a’r hyn sy’n ei wthio i wallgofrwydd. Ceir yma dystiolaeth o sut y gall tawelwch effeithio ar deulu cyfan. Mae hon yn nofel glyfar a gafaelgar a bu’r awdur yn fentrus wrth ymlwybro i fyd seicoleg. Mam ac iselder arni sydd yma, a llwyddir i ddal diddordeb y darllenydd drwy'r stori. Ceir yma ymbil taer am gyfathrebu rhwng y cymeriadau. Mae yma hefyd ddigon o ddigwyddiadau a throbwyntiau sy'n gwthio’r cymeriadau i gyflawni gweithredoedd sydd yn eu newid am byth. Pan fo’r unig berson sydd â’r potensial i gynnig clust yn troi cefn, does dim ond un ffordd ymlaen mewn bywyd mor gaeedig. Hyd at ddiwedd y nofel, mae’r darllenydd yn cael ei sugno i ganol ffawd y cymeriadau. Yn sicr, fe fydd pob darllenydd am i Mair gael ei gollwng o’i chaethiwed. Ie wir, petai hi ond yn medru ‘siarad’ ...