Dwi'n Gweld Malwoden / I Spot a Snail — Canllaw Cyntaf Byd Natur / My Very First Spotter's Guide

Disgrifiad Cymraeg / Welsh Description

Canllaw cyntaf i blant bach sy'n caru byd natur. Cyhoeddwyd y llyfr hwn gan Rily mewn cydweithrediad â'r Ymddiriedolaeth Genedlaethol. Addasiad Cymraeg gan Eiry Miles.

Disgrifiad Saesneg / English Description

National Trust's My Very First Spotter's Guide nature board book with big flaps. An eye-catching new nature novelty series for babies that love spotting wildlife! This fantastic new board book builds babies' love of nature with easy-to-lift card flaps and a stimulating question-and-answer text. Where do snails live? How big is a butterfly? Join in the minibeast adventure.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

Mae’r cyfnod pan mae plentyn rhwng 1 a 2 oed yn un heriol am nifer o resymau, ond er y diffyg cwsg a’r colli tymer achlysurol neu’r temper tantrums , mae ’na gyfnodau hyfryd hefyd sy’n helpu lleddfu unrhyw stress! Un o’r adegau neis hynny yw’r cyfle i eistedd gyda’ch plentyn (sy’n dangos mwy o ddealltwriaeth erbyn hyn) a mwynhau stori gyda’ch gilydd. Dwi’n ysgrifennu’r adolygiad yma ar ran fy mab, sy’n bymtheg mis, ac o fy safbwynt i fel rhiant. Roedd y clawr lliwgar yn apelio ato’n syth, gyda’r lluniau sgleiniog o greaduriaid yn ei ddenu i ddarganfod mwy. Ar ôl ei gnoi i gychwyn, eisteddodd i lawr a dechrau archwilio’r llyfr, gan ryfeddu a phwyntio at wahanol bethau. Ar hyn o bryd, mae llyfrau codi fflap yn boblogaidd iawn yn ein tŷ ni, ac mae’n ddifyr gwylio’r bychan yn datblygu ei sgiliau motor mân a’i chwilfrydedd naturiol wrth godi’r fflapiau i ddatgelu’r creaduriaid bach sy’n cuddio. Gall y bychan archwilio’r llyfr ar ei ben ei hun, ond wrth ddarllen â rhiant, mae cyfle da i gyflwyno a modelu iaith gan gynnwys geiriau disgrifio, lliwiau a geirfa cwestiynu, i enwi dim ond rhai. Bellach, mae o’n gallu dweud ambell gair syml ac mae’r llyfr yma’n grêt i ddatblygu ei eirfa. Byddai plant ychydig yn hŷn, hyd at 3 oed, yn mwynhau’r llyfr hefyd. Gan ei fod yn llyfr dwyieithog fe gewch chi ddau lyfr am bris un, mewn ffordd! Rydym bellach wedi darllen ac ailddarllen y llyfr sawl gwaith, a dydi’r lluniau syml a llachar byth yn diflasu. Mae fel petai ei fod yn darganfod y llyfr o’r newydd ar bob darlleniad. Ffrwyth partneriaeth rhwng y wasg a’r Ymddiriedolaeth Genedlaethol yw’r llyfr yma. Yn ffodus iawn, mae llawer o adeiladau’r ymddiriedolaeth o’n cwmpas yn lleol, a nifer ohonynt gyda gerddi a choedwigoedd ar eu tir. Mae Gerddi Bodnant cyfagos yn rhywle gwych i fynd am antur gyda’r llyfr a chwyddwydr i chwilio am drychfilod a phethau tebyg. Mae llawer iawn o lyfrau codi fflap neu dynnu a gwthio ar gyfer plant bach, felly beth sy’n gwneud y llyfr yma’n wahanol? I gychwyn, mae o wedi derbyn sêl bendith asiantaeth sy’n uchel ei pharch, ac mae nod clodwiw i’r llyfr, sef ceisio cyflwyno cariad at fyd natur o’r cychwyn cyntaf. Fe wyddwn ni oll fod bioamrywiaeth a byd natur o dan fygythiad enbyd o ganlyniad i weithrediadau dynol. Trwy gyflwyno’r pwnc mewn ffordd syml a hwyliog fel mae’r llyfr hwn yn ei wneud, y gobaith yw bydd ein plant yn tyfu i fyny gyda chariad a pharch tuag at natur a bywyd gwyllt. Wedi’r cyfan, nhw yw ceidwaid dyfodol ein planed.