Hela

Disgrifiad Cymraeg / Welsh Description

Nofel am gyfeillgarwch, rhagrith a chymuned yw Hela . Ceir hanes criw o ffrindiau - Callum, Babo, Jac Do a Saim Bach - sy'n gorfod tyfu i fyny'n gyflym iawn wrth i'r gymuned, ei phobl a phob dim sy'n gyfarwydd iddynt gael eu chwalu'n yfflon.

Disgrifiad Saesneg / English Description

A novel about friendship, deception and community. We follow a group of friends - Callum, Babo, Jac Do and Saim Bach - who have to learn to grow up quickly as their community, its people and all that is familiar to them shatter.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Bywgraffiad yr Awdur / Author Biography

Un o Ben Llýn yw Aled yn wreiddiol ond mae bellach yn byw yn Sir Fôn. Bu’n gweithio fel gohebydd newyddion, cyn cyflwyno ei raglen foreol ei hun ar Radio Cymru o fore Llun i Iau. Mae wedi cyflwyno ar y teledu hefyd, ar raglenni fel Rhannu a Waliau’n Siarad . Hela yw ei nofel gyntaf.

Adolygiad y Cyhoeddwr / Publisher Review

Pentre bach ar arfordir gogledd-orllewin Cymru yw Porth Milgi. Y math o le sy’n hudo ymwelwyr haf. Ond rhyw ‘dwll din byd’ ydi o i rai o’r trigolion sy’n byw yno’n barhaol. Un o’r rhai sy’n ysu am ddianc o’r lle yw’r bachgen ysgol, Callum. Mae o wedi byw yno, ar stad Cae Gwyn, ar hyd ei oes efo’i fam a Carl ei frawd iau. Yr hyn sy’n gwneud bywyd yn oddefol iddo yw cwmni ei ffrindiau Bobo, Jac-Do a Saim Bach. Pan ddarganfyddir corff Branwen Williams, merch sydd wedi bod ar goll ers bron i ugain mlynedd, mae bywydau’r bechgyn, a phawb arall yn y gymuned, yn cael ei droi ben i waered. Ar hap, bron, mae’r bechgyn yn cael eu hunain yng nghanol yr helynt ac yn ymdrybaeddu mewn byd o lygredd, twyll a rhagrith. Mae yma enghreifftiau o gam drin merched ifanc, gwyrdroi cwrs cyfiawnder, hunanladdiad ac arestio ar gam. Buan y down i ddeall na ellir ymddiried yn y sawl sydd mewn awdurdod, boed blismon, athro neu weinidog yr efengyl. Mae’r cyfan yn gwneud i fân bechodau Callum (megis dwyn pres casgliad o’r capel) ymddangos yn hynod ddiniwed. Y pedwar bachgen (yn hytrach na’r heddlu) sydd yn datrys y dirgelwch yn y diwedd, a hynny mewn modd digon dyfeisgar. Ond fe ddatgelir llawer o wirioneddau anghyfforddus ac anghynnes am y gymdeithas cyn i hynny ddigwydd. Synhwyraf fod y wasg yn marchnata Hela fel nofel i oedolion, ac nid oes dim o’i le ar hynny. Ond fe gredaf fod yna ddadl gref iawn dros dargedu cynulleidfa iau, yn arbennig bechgyn yn eu harddegau (rhai nad ydynt dros y blynyddoedd wedi dangos llawer o ddiddordeb mewn darllen llyfrau Cymraeg). Tybed ai’r nofel hon yw’r eithriad? Nid yn unig mae rhai o’r pynciau a drafodir yn ymwneud â bywydau pobl ifanc heddiw, ond mae cymeriadau fel Callum, Bobo, Jac-Do a Saim Bach yn siŵr o apelio atynt. Rhaid dweud bod yma stori wirioneddol afaelgar. Mae Aled Hughes eisoes wedi gwneud enw iddo’i hun fel darlledwr. Fe fydd bellach yn ennill bri fel awdur hefyd.