Hufen Afiach

Disgrifiad Cymraeg / Welsh Description

Ymunwch â Sali Seimllyd, Seimon Smwt, Poli Peswch Pen Ôl a Wili Silibili wrth iddyn nhw geisio achub trigolion Cwm Cwstard rhag y cawr, Beli Bola Mawr!

Disgrifiad Saesneg / English Description

An imaginative novel full of wit and humour about four wonderful characters who form a powerful group to save the inhabitants of their community!

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

Dyma i chi stori ffantasi gampus yng nghwmni Beli Bola mawr y cawr ffyrnig, Poli Pesychu Pen-ol, Seimon Smwts, Sali Seimllyd a Wili Silibili! Wel, dwi wedi chwerthin llond fy mol am yr enwau cofiadwy a gwreiddiol yma ar y cymeriadau anturus. Dyma nofel ddychmygus sy’n llawn hwyl a hiwmor am bedwar cymeriad gwych. Mae Meilyr Siôn yn dangos ei ddawn arbennig wrth ddisgrifio’r pedwarawd pwerus, sef Sali Seimllyd sydd â gwallt hir sy’n gadael trywydd seimllyd ar ei hôl, Wili Silibili sydd yn enwog drwy’r fro am adrodd straeon, Poli sy’n dioddef o besychiad pen-ôl pan fydd yn teimlo’n nerfus neu'n gyffrous, a Seimon Smwts sy’n rhy brysur yn pigo’i drwyn! Mae’r lluniau du a gwyn gan Huw Aron yn ddoniol ac yn fywiog i’r darllenwyr. Bydd y clawr melyn yn denu sylw’r darllenwyr a'u croesawu i Gwm Cwstard i gyfarfod â’r cawr ffiaidd Beli Bola Mawr. Cawn gymeriaethau gwych ac mae’r awdur yn defnyddio iaith loyw. Er enghraifft, ‘bloeddiodd yn orfoleddus wrth ddawnsio yn yr unfan’. Mae digonedd o hiwmor a chawn ambell jôc ddoniol hefyd! Yn eu tro mae’r Pedwarawd Pwerus yn ceisio dianc rhag Beli Bola Mawr. Gyda chymorth y gwylanod, Barbra, Bob a Beti mae’r pedwarawd pwerus yn ceisio wynebu'r cawr ffiaidd. Ond bywydau pwy fydd yn gweddnewid yn llwyr? Darllenwch y llyfr i ddarganfod yr ateb! Rydw i’n argymell y llyfr yma i blant rhwng 8 ac 11 oed, neu unrhyw un sydd eisiau mynd i Gwm Cwstard i flasu hufen iâ blas bacwn a mefus! Dyma i chi lyfr gwych fel anrheg i fachgen neu ferch sydd yn hoffi straeon llawn hiwmor a chymeriadau gwahanol hollol unigryw. Mwynhewch!