Llyfrau Llafar Gwlad: 93. Elis y Cowper - Brenin y Baledi

Disgrifiad Cymraeg / Welsh Description

Cyfansoddodd Ellis Roberts - Elis y Cowper - o Landdoged ger Llanrwst fwy o faledi na'r un awdur arall a oedd yn weithgar yn ystod y ddeunawfed ganrif. Dros gyfnod o ddeugain mlynedd a mwy lluniodd ryw drichant o gerddi sydd, yn ffodus, wedi goroesi hyd at ein dyddiau ni.

Disgrifiad Saesneg / English Description

Elis y Cowper (Ellis Roberts) from Llanddoged near Llanrwst wrote more ballads than any other author in the 18th century. Over a period of 40 years, he wrote about 300 songs which have survived to our day.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Bywgraffiad yr Awdur / Author Biography

Yr oedd Dr A Cynfael Lake, cyn iddo ymddeol, yn Ddarllenydd yn Adran y Gymraeg, Prifysgol Abertawe. Cyhoeddodd erthyglau a chyfrolau niferus ar ganu poblogaidd y ddeunawfed ganrif. Lluniodd astudiaeth yn seiliedig ar fywyd a gwaith Huw Jones o Langwm, golygodd ei anterliwtiau a chyd-olygodd ddetholiad o’i faledi.

Adolygiad y Cyhoeddwr / Publisher Review

Y mae llawer o’r cerddi hyn yn ymwneud â digwyddiadau cyffrous ac anghyffredin. Trwy glywed eu datgan mewn ffair a marchnad, a thrwy eu darllen, byddai Cymry’r oes wedi gallu dilyn hanesion am lofruddiaethau erchyll a damweiniau dirdynnol yma yng Nghymru a thros y ffin yn Lloegr, am stormydd a daeargrynfeydd, am ryfeloedd a brwydrau ar dir ac ar fôr. Ceir yma ddetholiad bychan o’r math o ddeunydd y byddai Elis yn ei lunio i ddifyrru ac i oleuo ei gyd-Gymry. Dyma’r tro cyntaf i gasgliad o’r fath gael ei baratoi ac y mae’n addas fod hynny yn cael ei wneud yn 2019 wrth i’r Eisteddfod Genedlaethol ymweld â chynefin yr awdur yn Nyffryn Conwy.