Paent!

Disgrifiad Cymraeg / Welsh Description

Nofel sy'n dangos sut mae un haf tyngedfennol yn hanes ein gwlad yn effeithio Robert. Daw miri arwisgo Siarl yng Nghastell Caernarfon ac ymgyrch Cymdeithas yr Iaith Gymraeg i gael arwyddion dwyieithog yn ystod haf 1969 yn fyw yn y nofel hon.

Disgrifiad Saesneg / English Description

A novel for children based on the Cymdeithas yr Iaith events of 1969.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

Pam mae gwersi’r ysgol i gyd yn y Saesneg? Pam na all ei chwaer ateb y ffôn yn Gymraeg yn ei gwaith? Pam mae angen cyfieithydd ar gyfer achos llys yng Nghaernarfon lle mae pawb sydd yno'n siarad Cymraeg? Dyna rai o’r cwestiynau sy’n dechrau poeni Robert Aneurin Jones yn 1969. Bachgen yn ei arddegau cynnar yw Robert, ac wrth i baent ddechrau ymddangos ar yr arwyddion ffordd Saesneg lleol mae ei ymwybyddiaeth o’i Gymreictod a lle’r Gymraeg yn y gymdeithas yn tyfu. Dyma flwyddyn y glanio ar y lleuad, a dyma hefyd flwyddyn yr arwisgo yng Nghastell Caernarfon. O wybod am ddaliadau gwleidyddol ac arddeliad Angharad Tomos dros y Gymraeg, fy ymateb cyntaf wrth weld y llyfr oedd tybied a fyddai’r arddeliad yna’n lliwio gormod ar y dweud. Ond roedd hynny’n gwneud cam â’r awdures. Dyma stori dda, wedi ei hadrodd yn dda. Llais unigryw Robert sydd i’w glywed drwyddi draw. Darllen ei lyfr nodiadau a wnawn ni, ac mae’n llawn bwrlwm, hiwmor a chwestiynau. Yn ogystal â hanes y paent a’r arwisgo rydyn ni’n clywed am ei ddyhead i gael ci, ei hoffter o wylio adar, a’i swildod ym mhresenoldeb Alys Mai. Fe wnes i chwerthin wrth ddarllen am ddrygioni ei gyd-ddisgyblion yn y dosbarth, a rhannu rhwystredigaeth Robert tuag at agwedd rhai o’r athrawon. A thrwy ei eiriau ef rydyn ni hefyd yn dyst i gyfnod allweddol yn hanes y Gymraeg.