Pump Prysur: Nadolig Llawen Pump Prysur

Disgrifiad Cymraeg / Welsh Description

Addasiad Cymraeg Manon Steffan Ros o The Famous Five: Happy Christmas Five gan Enid Blyton. Mae'n noswyl Nadolig, ac mae'r Pump Prysur yn llawn cyffro am y mynydd o anrhegion sy'n eu haros – yn enwedig Twm! Ond pan mae Twm yn cyfarth yn wyllt, caiff ei ddanfon allan i'r cwt, gan adael lleidr i ddwyn yr anrhegion. A fydd Twm yn achub y dydd?

Disgrifiad Saesneg / English Description

An original Enid Blyton short story with brand new full-colour illustrations. A perfect introduction for new readers, and an exciting way to enjoy classic Famous Five tales by Enid Blyton in a Welsh translation by Manon Steffan Ros.

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

A fydd hi’n Nadolig llawen i’r Pump Prysur, neu a fydd rhywun – neu rywbeth – yn difetha'r dathlu i Siôn, Dic, Jo, Ani a Twm? Cyfieithiad o un o straeon byrion Enid Blyton am helyntion y Pump Prysur, neu’r Famous Five, yw hon. Er bod yna dros hanner canrif ers cyhoeddi’r gwreiddiol dyw’r llyfr ddim yn teimlo’n hen ffasiwn. Mae’r stori'n berthnasol heddiw, ac mae arddull gyfoes y print a’r darluniau lliwgar yn ategu hynny. Mae cymeriadau’r llyfr yr un mor apelgar nawr ag yr oedden nhw pan o’n i’n darllen eu hanes yn blentyn. Yn wahanol i lyfrau hwy Enid Blyton am y pump, Twm y ci yw’r seren y tro yma. Mae Twm druan wedi cynhyrfu cymaint wrth weld pawb yn lapio eu anrhegion ar noswyl Nadolig nes ei fod yn cael ei anfon i’w gwt yn yr ardd. Does gan Yncl Carwyn ddim amynedd â’i gyfarth diddiwedd. Ond yn oriau mân y bore mae Twm yn gweld sachaid o anrhegion yn cael ei dwyn o'r tŷ. Sut mae rhwystro'r lleidr heb gyfarth a digio Yncl Carwyn, a sut mae cael yr anrhegion yn ôl o dan y goeden heb ddeffro pawb? Rhaid i Twm fod yn gyfrwys, ond a fydd yn llwyddo? Os ydych chi’n dal i chwilio am lyfr i’w roi'n anrheg Nadolig, pa ddewis gwell na Nadolig Llawen, Pump Prysur ?