Un Man

Disgrifiad Cymraeg / Welsh Description

Nofel sci-fi a stori garu. Mae Erin wedi cael llond bol ar ei bywyd diflas, ei gwaith di-ddim a'i chariad difeddwl. Mae hi'n dyheu am fywyd gwell ac yna ... un noson, yn ei chwsg, mae Morgan yn ymddangos. Dyn ei breuddwydion. Yn sydyn mae bywyd yn werth ei fyw ond dim ond pan mae hi'n cysgu ...

Disgrifiad Saesneg / English Description

A sci-fi novel and romance rolled into one. Erin is weary of her boring lifestyle, job and boyfriend, and yearns for a better life. One night as she sleeps, Morgan, the man of her dreams, appears. Suddenly, life is worth living, but only when she sleeps ...

Dosbarthu

Byddwn yn dosbarthu eitemau sydd mewn stoc o fewn 3 diwrnod gwaith, fel arfer drwy Royal Mail Tracked 48. Ar gyfer archebion o flaen llaw, byddwn yn dosbarthu’r eitem o fewn 3 diwrnod gwaith ar ôl ei derbyn gan ein cyflenwr.

Dispatch

In-stock items will be dispatched within 3 business days, usually by Royal Mail Tracked 48. For pre-orders, we’ll dispatch within 3 business days of receiving the item from our supplier.

Adolygiad y Cyhoeddwr / Publisher Review

Dydi straeon am ferch mewn rhigol garwriaethol ac yn chwilio am rywbeth gwell ddim yn bethau prin, ond yma cawn ddyhead sy’n mynd tu hwnt i’r byd real, diolch i’r awdures Joanna Davies a’i phumed nofel. Mae Erin a Wil mewn perthynas undonog, ddi-sbarc ac fe gaiff hyn ei adlewyrchu yn un o freuddwydion Erin un noson. Mewn tafarn, mae Erin yn cwrdd â Morgan wrth iddi straffaglu yn ei sodlau uchel, ond dydi hon ddim yn freuddwyd sydd yn diflannu wrth iddi ddeffro. Nac ydi, mae’r freuddwyd hon yn un sy’n dod yn ôl dro ar ôl tro nes bod Erin nid yn unig yn dod â'i pherthynas â Wil i ben, ond yn ei thaflu ei hun i fyd newydd, byd sydd ar brydiau yn llawn caru nwydwyllt a’r funud nesaf yn llawn tywyllwch. Er mwyn iddi fedru ymdopi, mae Erin yn ymweld â'r adran seicoleg yn y brifysgol a phan ddaw’r freuddwyd i fod yr unig beth sy’n peri hapusrwydd iddi, mae hi eisiau cysgu am byth. Ond yn ogystal â bod yn stori sy'n pendilio rhwng byd cwsg ac effro a rhwng ffantasi a bywyd go iawn, mae’r freuddwyd yn mynd â ni’n ôl at gyfnod arall mewn amser; yn wir, mae Erin bob nos yn dianc i’r gorffennol i gyfarfod Morgan nes yn y diwedd, mae’r freuddwyd yn troi’n hunllef ar y ddaear. Dyma nofel a wna i’r darllenydd feddwl am y ffilm Midnight in Paris , ond mae’r stori hon yn dywyllach. Gwna i ni deimlo tosturi dros fywyd Erin, ond ar yr un pryd cawn ein dychryn ynglŷn â pha mor hawdd yw syrthio i fyd afreal wrth i ni deimlo nad oes dihangfa rhag ein bywydau go iawn. Ond mae’r ddihangfa hon yn chwalu bywyd Erin yn deilchion ac iddi hi, mewn diweddglo dramatig, does dim ond un ffordd i ddianc. Fel y dywed y gân, mae hon yn enghraifft o chwarae’n troi’n chwerw. A fyddai’n well petai Erin wedi diolch am yr hyn oedd ganddi gyda Wil yn hytrach na chwilio am ddyn ei breuddwydion? Weithiau, dydi un bywyd ddim yn ddigon.